Nahdlatul Ulama

Nahdlatul Ulama (NU) iyâ arèya organisasi aghâma Islam Inḍonèsia sè è padhâddhiaghi sarèng Hasyim Asy'ari, pengasuh Pondhuk Tebuireng ḍâri Jombang, Jhâbâ Temor. NU andhi’ anggota korang lebbi 40 juta (2013) kantos lebbi ḍâri 95 juta è taon (2021) sè adhâddhiaghi mènangka organisasi Islam palèng raja è dhunnya^[1]. NU jughan aropa’aghi badan amal sè ngoros pondhu, sekola, perguruan tinggi, roma sake` bân ngoros masyarakat ka’anghuy abhanto ningkataghi kualitas odi’ umat Islam.

NU è dhâddhiaghi è 16 Rajab 1344 H (sè sami kalabân tangghal 31 Januari 1926) è Kotta Sorbhâjâ sareng sorang ulama bân para pedagang ka’anghuy abela praktik Islam tradisionalis (sami kalabân akidah Asy'ariyah bân fikih Mazhab Syafi'i) bân kapentingan ekonomi anggotana. Pandangan keagamaan NU è angghep "tradisionalis" polana mânoleransi budaya lokal selama ta’ nyèmpang kalabân ajaran Islam. Hal rèya abedaghi kalabân organisasi Islam palèng rajâ nomer duwâ’ è Inḍonèsia, Muhammadiyah, sè è angghep "reformis" polana abhutoaghi interpretasi sè lebbi literal dha’ Al-Qur'an bân Sunnah.^[2]

Banyya’ tokoh NU iyâ arèya pendukung konsep Islam nusantara, sebuah ciri khas Islam sè ampon ngalami interaksi, kontekstualisasi, pribumisasi, interpretasi, bân vernakularisasi sè sami kalabân kondisi sosial budaya è Inḍonèsia. Islam Nusantara apromosiaghi moderasi, anti-fundamentalisme, pluralisme bân è titik tertentu, sinkretisme.^[3]

1. ↑ Abdurrahman, Syarif (2021-12-20), Tebuireng Initiatives, "Menuju Abad ke-2 Nahdlatul Ulama", è aksès 2023-02-02.
2. ↑ Abdurrahman, Syarif (2021-09-26), Tebuireng Initiatives, "Memilih Nahdlatul Ulama, Ini Alasan Kiai Wahid" , è aksès 2023-02-02.
3. ↑ F Muqoddam (2019), E Journal IAIN Madura, "Syncretism of Slametan Tradition As a Pillar of Islam Nusantara", è aksès 2023-11-19.